Затвореникот осуден на смрт за убиство на 2 верски службеници и повредување на еден како последица на напад со нож во иранскиот град Машхад, е егзекутиран.
Главниот обвинител Гуламали Садики од Хорасан-и Резеви даде изјава за печатот на оваа тема.
„Абдулатиф Муради, кој беше осуден на смрт за вооружен напад, денеска беше погубен во затворот Векил Абад во Машхад“, рече Садики.
Садики истакна дека целиот правен процес во врска со инцидентот е завршен за краток период од 77 дена.
На 5 април, 3 верски службеници беа нападнати со ножеви во гробницата на Имам Реза во Машхад, централниот град на провинцијата Хорасан-и Резеви. Додека напаѓачот бил фатен на местото на настанот, 2 од нападнатите свештени лица го загубиле животот.
Иранските власти соопштија дека напаѓачот бил 21-годишен екстремист од Узбекистан по име Абдулатиф Муради, кој илегално влегол во земјата од пакистанската граница.
Портпаролот на иранското правосудство Масуд Сетајеши на 7-ми јуни објави дека напаѓачот бил осуден на смрт од Револуционерниот суд.
