И понатаму продолжува периодот на претежно стабилно, суво, топло и сончево време повремено со умерена облачност а ветерот од северен правец ќе ја намалува својата брзина додека максималните дневни температури на воздухот и натаму ќе растат и веќе за време на викендот кој ни доаѓа ќе се искачуваат во интервалот дури од 27 до 35 степени и истите ќе бидат натпросекот за овој дел од годината.
Исто така за време на викендот како и на почетокот од следната недела особено на запад и на северозапад ќе има изолирана појава на краткотраен пороен дожд, грмежи и засилување но сепак и покрај ова не очекуваме и понатаму некој изразен влажен бран и циклони што значи и понатаму граѓаните можат максимално ваквото време да го користат за плажирање.
За подетални информации контактирајте ме на мојот официјален фејсбук профил каде можете да ја погледнете и секоја ново – обновена временска состојба – СЛАВЧО ПОПОСКИ!
Доколку сакате да го искористие убавото време и да заминете на одмор барем на неколку дена, ние ви претставуваме 6 причини зошто токму овој период и септември е најдобар за тоа.
За многумина, септември го означува крајот на сезоната за патување, но за некои, тој нуди одлична можност да се спакуваат и да заминат на одмор. Доколку и вие сѐ уште не сте го искористиле вашиот годишен одмор и планирате тоа да го сторите овој месец, погледнете што го прави септември најдобриот месец за патување.
1. Поголема заштеда
Бидејќи е сезона за одење во училиште, многумина не го избираат септември како месец за патување. Токму поради тоа, цените на трошоците за превоз и сместување може значително да опаднат. Дополнително е тоа што во овој месец неретко можете да сретнете и одредени попусти. Доколку и вие сте од оние коишто завршиле со училишните и факултетски обврски, септември е одличен месец да ја пронајдете вашата дестинација за одмор.
2. Избегнување гужви
Ова е дополнителен поттик за патување во септември, особено за оние коишто сакаат да ги избегнат гужвите и сообраќајниот метеж. На некои луѓе ова им пречи и им ја исцрпува енергијата, но овој месец е период којшто нуди посмирени посети на омилените дестинации.
3. Пониски цени за сместување
Луксузните дестинации честопати ги рекламираат своите најголеми попусти на крајот на летото и за време на раната есен. Во септември можете да пронајдете големи попусти дури и на местата каде што отсекогаш сте посакувале да одите. Искористете го овој период и пружете си себеси и на вашите најмили одмор од соништата.
4. Времето е пријатно
Иако септември веќе ја најавува есента, времето може да биде навистина прекрасно. За сите оние коишто сакаат да ги избегнат летните горештини и сакаат да се опуштат во умерено и пријатно време, септември го нуди сето тоа.
5. Имате можност за вонсезонски активности
Додека пропуштате некои сезонски активности, секогаш постојат нови можности коишто ви ги нуди токму септември. Во зависност од вашата посакувана дестинација, ќе имате можност да искусите многу вонсезонски активности коишто ќе ви ги збогатат вашите спомени.
6. Поголеми попусти на потребните работи
Доколку отпатувате во септември, ќе имате можност да ги купите потребните работи, а притоа да заштедите. На пример, ќе можете да купите костум за капење по доста пониска цена, производите за сончање ќе ве чинат помалку, а исто така ќе заштедите и ќе имате средства да си дозволите да купите и други работи во коишто би уживале.
