Најмалку 18 лица загинаа кога авионот на летот АА5342 од Вичита до Вашингтон се судри со воен хеликоптер при слетување на аеродромот Роналд Реган. Несреќата се случила во средата околу 21 часот по локално време, а двата авиони по судирот паднале во заледената река.
Пожарникарите велат дека добиле повик во 20 часот и 48 минути и дека во 20 часот и 58 минути биле првите екипи и спасувачите тргнале во акција.
Авионот на делови паднал во реката , а сега се појавија фотографии од леталото кое по сударот завршило во ледената вода.
Спасувачите се уште неуморно трагаат по преживеани. За жал, како што одминува секоја минута, надежите да извлечат некој жив се намалуваат.
Имено, во моментот на ударот температурата на водата била околу 2 Целзиусови степени. Дури и ако некој го преживеал падот и падот на авионот, мали се шансите да остане жив толку долго во ледената река.
FlightRadar, кој ја следел патеката на летот, го „снимил“ моментот кога се судриле двата летала. Снимката од летот го покажува моментот кога патничкиот авион се приближува до аеродромот, а потоа можете да видите како линијата на рутата станала сива кога авионот бил над реката Потомак. Најверојатно ова е моментот на судирот со воениот хеликоптер, по што FlightRadar „веќе не можел да ја следи патеката на летот“.
