Рускиот претседател Владимир Путин се обрати до јавноста откако неодамна помина една ноќ во болница, велејќи дека е во одлична здравствена состојба. За време на посетата на изложба во Москва, тој потврди дека бил подложен на медицински преглед кој вклучувал и ноќевање во болница, пишува „Слободен печат“.
„Фала му на Бога, сè беше во ред“, додаде Путин. Тој објасни дека ова биле два дена тестови – бил примен во болница едно попладне и отпуштен следниот ден. Оваа епизода, сепак, е само последната во низата од оние што ги поттикнаа долгогодишните шпекулации за здравјето на рускиот лидер.
Putin talked about his health condition
— Zlatti71 (@Zlatti_71) November 19, 2025
‘I just underwent an annual check-up, it took me almost two days with an overnight stay at the clinic. I arrived there in the afternoon and left the next day. Thank God, everything is fine.’
– SK pic.twitter.com/W7dAx3HH6W
Сомневањата не престануваат
Во ноември минатата година, за време на неговиот престој во Астана, Казахстан, необични, отсечени движења на неговите нозе привлекоа внимание. Додека зборуваше на прес-конференција, тој цврсто се држеше за подиумот, додека нозете му се грчеа навидум неконтролирано.
Коментирајќи го снимката за „Дејли експрес“, д-р Боб Беруким, уролог во Њујорк, рече дека таквите движења можат да укажуваат на неколку состојби, вклучувајќи Паркинсонова болест и други невролошки нарушувања.
Пред инцидентот со стапалото, Путин беше виден како постојано го трие и гребе лицето и вратот за време на настап во центар за мечување во Уфа. Слично однесување беше пријавено претходниот ден во Москва. Тој е виден и со екстремно подуени црти на лицето во неколку наврати во последните години, објавува „Дејли експрес“.
Некои лекари шпекулираат дека алергии или инфекција на синусите или забите може да бидат причина, додека други сугерираат дека прима инјекции со ботокс.
Putin’s continuing problem to control his legs and arms has been visible again today, when he met Lukashenko. This man is medically sick. Russia’s losing war will most certainly expedite his worsening condition. #Russia #Putin pic.twitter.com/IqX1adtCH8
— (((Tendar))) (@Tendar) February 17, 2023
Чувствителни податоци
Теоријата дека Путин го лекуваат онколози во голема мера произлегува од извештајот од 2022 година на руската истражувачка агенција „Проект“. Тие ги проучувале патувањата на рускиот претседател во неговата резиденција во Сочи.
Споредувајќи ги датумите со резервациите на хотели во близина, „Проект“ објави дека онколошки хирург специјализиран за рак на тироидната жлезда ја посетил болницата 35 пати и поминал 166 дена таму. Двајца специјалисти за уво, нос и грло биле таму уште почесто. Кремљ го отфрли извештајот како „фикција и невистина“.
Истата година, се појави и непроверена снимка од наводен руски олигарх кој тајно вели дека Путин е „многу болен од рак на крвта“.
Во февруари 2022 година, тогашниот американски сенатор Марко Рубио, еден од осумте членови на Конгресот со пристап до најчувствителните разузнавачки информации, наговести дека нешто не е во ред со Путин.
Неодамна, се проширија и тврдења дека Путин испратил двојник да ја посети фронтовската линија во регионот Курск. Фотографиите од настанот покажаа лице со значително потенко тело и лице. Покрај тоа, тој користел рачно напишани белешки, за разлика од вообичаените на Путин напишани на машина, а фонтот бил помал од вообичаениот на претседателот.
Јапонските експерти за вештачка интелигенција дури тврдат дека постојат два редовни двојници што ги користи Путин.
