Претседателката Гордана Сиљановска Давкова утрово се огласи по повод смртта на папата Франциск кој почина вчера наутро.
„Како Народен Папа, тој им ја честиташе Воскресението Христово на христијанската фамилија и утрово мирно замина во вечноста.
Јас, пак, по четириесет минути незаборавен разговор, ќе го паметам по неговиот извонреден ум, мудрост, топлина и едноставност“, вели Сиљановска Давкова.
As the People’s Pope, he congratulated the Christian family on the Resurrection of Christ and this morning peacefully departed into eternity.
— Гордана Сиљановска Давкова (Gordana Siljanovska) (@gogamkd) April 22, 2025
I, on the other hand, after forty minutes of unforgettable conversation, will remember him for his exceptional mind, wisdom, warmth and… pic.twitter.com/NzRrTSWhpT
Претседателката минатата година беше на аудиенција кај Папата во рамки на манифестацијата „Македонија во чест на Свети Кирил“ што се одржува во Рим по повод 24 Мај, Денот на сесловенските просветители.
Како што соопшти тогаш нејзиниот кабинет, претседателката на средбата изразила уверување дека за време на нејзиниот мандат нашата држава уште поинтензивно ќе се залага „за продлабочување на севкупните односи со Светата Столица, заради јакнење на партнерството и негување на меѓусебното почитување базирано на заедничките историски, културни и верски традиции“.
На средбата беа традиционално разменети подароци, при што, претседателката Сиљановска-Давкова на папата му подари голема резбa со мотив од птицата феникс којшто претставува симбол на вечноста.
