Eдна од важните пресвртници во животот секако е јубилејниот 40-ти роденден. Покрај бројните промени, нутриционистите советуваат и промена на начинот на исхрана, бидејќи е вистинско време да се исфрлат некои намирници од менито, пишува CityMagazine.
Руската нутриционистка Зухра Павлова тврди дека после 40 години јубилеј се гледаат последиците од невниманието од младоста. Сепак, тоа не е ништо што здравите навики не можат да го решат, а тоа ќе му помогне на вашето тело да избегне проблеми со срцето, црниот дроб, зглобовите и вишокот килограми.
„Можете да заборавите чипс и газирани сокови. Разновидна исхрана е неопходна за одржување на целиот организам во здрава состојба. За да го постигнете тоа мора да јадете грашок, грав, леќа, наут, житарки и млечни производи“, објаснува Павлова и додава дека е неопходно нашето мени често да вклучува: морска риба, печурки, грејпфрут, зелен зеленчук, хељда, ореви, брокула, но и куркума и ким.
Исто така, нутриционистот истакнува дека е важно да се консумира што повеќе вода, бидејќи таа игра голема улога во функционирањето на организмот. Покрај водата, во секојдневната исхрана пожелни се и билните чаеви, пишува CityMagazine.
Докторката потсети на штетата што може да ја предизвика брзата храна, бидејќи, како што објаснува, преработената и пржената храна, особено месото, предизвикува воспаление на црниот дроб, крвните садови и зглобовите, што резултира со проблеми со кожата, метаболизмот и зголемување на телесната тежина.
Намалувањето на внесот на шеќер е основа за поздрав живот. „Шеќерот е една од намирниците со висок гликемиски индекс. Го забрзува стареењето на мозокот, одлично „гориво“ за малигните клетки. Ги оштетува протеините на сврзното ткиво, кои ја стареат кожата, крвните садови и внатрешните органи. Дефинитивно мора да се откажете од соковите и колачите. Исто така, обидете се да го намалите белиот леб, тестенините, белиот ориз и житариците“, објасни Павлова.
