Според прелиминарната проценка, годишната стапка на инфлација во Германија во август благо паднала на 6,1 отсто од 6,2 отсто во јули, објави денеска германската федерална статистичка служба – Дестатис.
Пазарите очекуваа августовска инфлација од шест отсто.
Инфлацијата на услугите падна на 5,1 отсто од јулските 5,2 отсто, а инфлацијата на стоки порасна од седум отсто во јули на 7,1 отсто поради растот на цените на енергијата.
Според веб-страницата Дестатис, цените на храната во Германија во август пораснале за девет отсто на годишно ниво, а цените на енергијата за 8,3 отсто во споредба со истиот месец лани.
На месечна основа, германската инфлација е зголемена за 0,3 отсто во однос на јули.
Годишната базна стапка на инфлација во август изнесуваше 5,5 отсто, исто како и претходниот месец.