Руски медиуми, вклучително и независниот медиум Медуза, пишуваат дека рускиот генерал-полковник Александар Лапин, кој командувал со Централниот воен округ, е разрешен.
Но, се уште нема официјални информации за отказот на Лапин.
Деновиве Лапин беше критикуван од чеченскиот лидер Рамзан Кадиров за неговото повлекување во Сватовската област. Лапин е одговорен за одбрана на областа во северниот дел на регионот Доњецк, каде што украинските сили неодамна пробија.
Чеченската државна телевизија Грозни исто така објави за оставката на Лапин, без да наведе извори. Рускиот „патриотски“ Телеграмски канал Сива зона објави дека има информации дека Лапин е сменет од функцијата.
Кадиров го нарече Лапин „генерал без талент“
Во 2017 година, Лапин стана командант на Централниот воен округ на Русија, а неговата Централна армија, која ја предводеше во Украина, го зазеде регионот Луганск.
Во текот на летото, рускиот претседател Владимир Путин го почести Лапин со титулата Херој на Русија. Лапин бил одликуван за заземањето на Лисичанск, додека Кадиров вели дека „всушност не бил никаде наоколу“.
Во изминатиот месец Кадиров двапати го критикуваше Лапин. На почетокот на октомври тој за Лапин рече дека е „генерал без талент“ и дека е „просечен“ поради повлекувањето од Лиман во северниот регион Доњецк.
На крајот на месецот Кадиров рече дека Лапин им дозволил на украинските сили да се пробијат до еден дел од фронтот.
