Военобезбедносниот аналитичар Милан Стефановски во емисијата „Ноќно студио“ на 4ТВ предупредува дека актуелните конфликти во светот добиваат сè пошироки размери и носат сериозни геополитички ризици.
Тој оценува дека конфликтите на Блискиот Исток имаат регионален карактер, но со силни глобални последици, особено врз енергетските пазари и безбедносната архитектура.
„Некои веќе го нарекуваат ова почеток на Трета светска војна“, вели Стефановски, додавајќи дека ваквите оценки се резултат на зголемената нестабилност и вклученоста на повеќе актери.
Сепак, според него, ниту една голема сила нема интерес конфликтите да ескалираат долгорочно, поради економските и политичките последици.
Стефановски предупредува дека, иако директна воена закана за регионот е мала, постои зголемен ризик од хибридни закани, како сајбер напади, дезинформации и економски притисоци, особено за помалите држави.
