На денешната прес конференција, министерот за здравство, Арбен Таравари, изјави дека 100 пациенти, повредени во пожарот во дискотеката во Кочани се лекуваат во болниците во земјава и во странство.
Таравари вели почетната бројка беше 193 пациенти, тројца од повредените се во критична состојба.
Министерот изјави дека кај дел од повредените состојбата флуктуира, моменталната ситуација е дека тројца се најкритични.
Надвор од државата се лекуваат 80 пациенти и денеска се враќаат двајца, од Полска и од Белгија. Најави враќање на повеќе пациенти неделава. Оваа недела се очекува враќање на полесните пациенти, тие кое се рехабилитирани комплетно, вели Таравари.
За потешките пациенти на кои ќе им биде потребна рехабилитација, истакна дека има неколку опции „8-ми Септември“ во Ковид центарот, Центарот за рехабилитација во Козле, но има и понуди за подолгорочна рехабилитација надвор од држвата без трошоци од државата.
