Поврзи се

Македонија

Тендерска манија пред избори – ВМРО-ДПМНЕ обвинува дека Анѓушев добил тендер од Шекеринска

Published

on

Опозициската партија ВМРО-ДПМНЕ, обвини дека екс-вицепремиерот Кочо Анѓушев само два дена пред да ја напушти Владата на Зоран Заев негова фирма добила тендер вреден 1 милион и 600 илјади евра од Армијата.

„На 30 декември 2019 година, само два дена пред Анѓушев и официјално да замине од Владата, Шекеринска склучува договор за јавна набавка со ЕНЕРЏИ ДЕЛИВЕРИ СОЛУШНС, односно ЕДС кое е во врска со Кочо Анѓушев.  Шекеринска ја одбрала фирмата меѓу 4 понуди, како се наведува заради најниската понудена цена. Симптоматично е како и зошто во очи на официјална изборна кампања Шекеринска доделува тендер од 1,6 милиони евра на компанија блиска до Анѓушев?“, истакна Наум Стоилковски од ВМРО-ДПМНЕ.

-Текстот продолжува по рекламата-

Министерката Шекеринска реагираше преку „Фејсбук“. Напиша дека таа фирма не е во сопственост на Анѓушев, што можело да се потврди и преку Централен регистар.

„Согласно законските обврски Министерството за одбрана спроведе јавна набавка за снабдување со електрична енергија. На огласот се јавија четири фирми кои учествуваа на електронска аукција во која значително се намали цената. Од првичните понуди кои изнесуваа помеѓу 95 и 116 милиони денари, поради конкуренцијата цената се намали на 77,7 милиони денари. Тоа значи околу 18 милиони денари помалку од првичната најниска понуда“, посочи Радмила Шекеринска, Министерка за одбрана.

Тврдењата на опозициската партија ги демантираа и од министерството за одбрана.

„Откако ВМРО-ДПМНЕ си нарача текст во своите портали, и откако содржината на тој текст беше целосно демантирана со факти, денес излегоа на прес-конференција и тврдењето дека Министерството за одбрана склучило договор за набавка на електрична енергија со „фирма на екс-вицепремиерот Кочо Анѓушев“, молскавично го преформулираа во „фирма блиска“ до Анѓушев. Притоа користат и зборови „фирма“ со која екс-вицепремиерот „има врска““, пишуваат од Министерството за одбрана.

Фирмата која опозициската ВМРО-ДПМНЕ и министерката Шекеринска ја споменуваат тендери добивала и во времето на претходната Влада. Во 2019 година во ТОП20 фирми кои ги добиле најголемите тендери се наоѓа токму и оваа фирма. Добила тендер од АД МЕПСО за набавка на електрична енергија за сопствени потреби вреден 424,235 евра.

Извор: ТВ21

Реклама
Македонија

Хакирана Фејсбук страната на Централен регистар – се објавуваат ставови од кои институцијата се оградува

Македонија

Телеком со проблеми – нема мрежа, телевизија, интернет…недостапни голем број на сајтови

Македонија

Интервју со Ѓорѓија Џорџ Атанасоски

4NEWS.mk

Тројца повредени во верижен судар на автопатот Велес – Скопје

Македонија

Возило излета од патот: 17-годишна девојка загина а двајца се повредени

Музика и Филм

Македонец во Словенија направи песна репрезент за градот

4NEWS.mk

Во новата индустриската зона Мамутчево годинава ќе започне изградба на индустриските објекти

4NEWS.mk

Градинката „Пролет“ во Влае ќе се загрева на еколошки начин

4NEWS.mk

Нов еколошки систем за греење и ладење во градинката „Пролет“ во Влае

4NEWS.mk

Сојуз на земјоделски здруженија: Тутунот ќе се откупи, тутунарите нема да бидат оштетени

Реклама
WP2FB Auto Publish Powered By : XYZScripts.com