Венецуелската опозиција повика на протести против Николас Мадуро во јануари, објави Франс прес.
Повикот го упатија водечките опозициски фигури Марија Корина Мачадо и Едмундо Гонзалес Урутија. Тие ги поканија своите сонародници да протестираат во јануари, кога Мадуро ќе положи заклетва по трет мандат како претседател по неговиот реизбор, кој беше оспорен од опозициските сили.
„Многу е блиску времето кога повторно ќе се видиме на улиците на Венецуела за да тврдиме дека победата е наша“, рече Мачадо. Таа рече дека Мадуро е реизбран со измама и нагласи дека победата на претседателските избори во јули му припадна на опозицискиот кандидат Гонзалес Урутија. Тој беше признат од Вашингтон како претседател на Венецуела.
„Ајде да се подготвиме да се видиме на улиците на Венецуела во јануари“, рече Мачадо во видеото објавено на социјалните мрежи. Меѓутоа, Мачадо, која живее во егзил, не соопшти повеќе детали за нејзиниот апел.
Церемонијата на положување заклетва на Мадуро е закажана за 10 јануари.
