Познатата англиска водителка Лора Вудс се онесвести во живо за време на воведниот пренос од пријателскиот натпревар помеѓу Англија и Гана, предизвикувајќи вистинска драма пред камерата.
За време на прегледот на натпреварот, додека разговараше со аналитичарите Иан Рајт и Анита Асанте, Вудс одеднаш почна да ја губи рамнотежата.
Кога почна да паѓа напред, легендарниот поранешен напаѓач на Арсенал покажа брза и инстинктивна реакција. Рајт успеа да ја фати и да спречи посериозен пад, што беше снимено и од камерите.
Hope Laura Woods is ok, well done for Ian Wright for being alert pic.twitter.com/diuJ6sQPM8
— No Context Prem (@NoContextEPL) December 2, 2025
Емитувањето беше веднаш прекинато и беше пуштена долга рекламна пауза, а тензијата меѓу гледачите дополнително се зголеми бидејќи не беше јасно што точно се случило. По долгата пауза, програмата продолжи, но со нова водителка. Вудс беше заменета со Кејти Шанахан, која им објасни на гледачите дека нејзината колешка се разболела и ѝ посака брзо закрепнување.
За среќа, наскоро пристигна потврда дека состојбата на Вудс е стабилна. Неколку часа подоцна, таа се огласи на својот Инстаграм профил за да ги смири загрижените следбеници:
„О, Боже, тоа беше малку чудно. Извинете што ги загрижив сите. Добро сум. Прекрасната медицинска сестра рече дека веројатно е вирус, само ми треба малку одмор…“
Водителката додаде дека е крајно засрамена што инцидентот се случил на телевизија, но исто така изрази благодарност до колегите кои веднаш ѝ притрчале на помош:
„Навистина ми е срам што се случи пред камерите, но голема благодарност до моите колеги од ITV кои навистина се грижеа за мене… Се извинувам повторно“, додаде таа.
