КОГА ќе се купи нов автомобил во САД, постои можност тој да биде испорачан откако ќе биде транспортиран стотици, ако не и илјадници километри, а тој временски период крадците се повеќе го користат како можност за кражба на егзотични модели.
Надер Елдамуни и неговиот деловен партнер од Мичиген биле жртви на кражба. Тие решиле да купат кабриолет Rolls-Royce Dawn вреден 300.000 евра, кој се наоѓал на Флорида, за да треба да биде пренесен 2090 километри до домот на Надер во близина на Детроит.
Елдамуни, кој веќе поседува Lamborghini, Rolls-Royce Phantom и Mercedes-Benz G-Class, никогаш не ја добил својата нова Dawn, бидејќи автомобилот не бил испорачан на адресата откако бил натоварен во камион на 18 јануари.
На сличен начин „исчезна“ и Ферари кое требаше да биде испорачано од Њујорк во Хјустон, но заврши во Мајами.
Минатата година се појавија информации за криминалец од Флорида кој го хакирал компјутерскиот систем на компанијата за испорака Dealer’s Choice Auto Transport, што му овозможило да го види распоредот за испорака и контакт информациите на возачите.
Тој исто така можеше да ја смени адресата за испорака на неколку луксузни автомобили, меѓу кои и Mercedes GLS600 Maybach вреден околу 200.000 долари и теренец Rolls-Royce Cullinan за кој беа издвоени 400.000 долари.
„Криминалецот го хакирал порталот на возачот и знаел кои возила ќе се превезуваат и каде се превезуваат. Контактирал со возачот кој се претставувал како клиент и му дал нови информации со упатства каде треба да се достави автомобилот“, изјави за WSVN директорот на транспортната компанија Стивен Јарив.
