Актерот Кијану Ривс е познат како еден од најхуманите луѓе во Холивуд.
Минатиот месец, Киану Ривс беше во Хјустон со својот бенд и по тој повод го направи денот на едно момче и создаде спомен за цел живот.
Имено, пред настапот две момчиња и нивната баба го чекале актерот и му побарале автограм, но на крајот добиле дополнително изненадување.
„Тој се потпиша на мене и брат ми, а потоа го прашав дали ќе фрли топка“, вели момчето.
Кијану се согласил и си поиграл неколку минути со момчето, кое признало дека бил малку нервозен бидејќи сепак е голема ѕвезда.
Ова не е првпат Кијану да биде во центарот на вниманието поради својата скромност и спонтаност, а често се труди да ги израдува своите обожаватели, особено децата.
