Попладнево точно во 12:05 започна маршот за 59 ангели, лица кои загинаа во пожарот во дискотеката „Пулс“ во Кочани.
Организатори на овој марш се семејствата на настраданите, кои со фотографии од своите најмили излегоа да маршираат по улиците.
Покрај фотографиите, тие носеа и транспаренти на кои пишуваше „Корумпираниот систем ги уби нашите деца“.
Тие тргнаа од Паркот на Револуцијата, по што ќе се упатат кон Трговскиот центар, а оттаму кон зградата на Општина Кочани, Полициската станица и Основниот суд и Обвинителството.
Претходно, тие истакнаа протестот не е за поддршка на лицата од обезбедувањето во дискотеката и граѓаните кои не го прифаќаат таквото укажување не мора да се приклучуваат.
