Бројот на загинати во земјотресот во Мароко се искачи на 2.012 лица, објави во неделата мароканската државна телевизија. Повредени се околу 2.059, а 1.404 од нив се во критична состојба. Мароканците втора ноќ по ред спиеја на улица.
11:43 Мароко кралот Мохамед Шести им нареди на џамиите ширум земјата да одржат меморијални миси, познати како џенази, за загинатите во земјотресот во неделата напладне.
11:19 Нови земјотреси во Мароко. Во последните два часа се забележани неколку земјотреси, од 3,2 до дури 4,5 степени, јавува EMSC.
9:40 Оваа жена го загуби сопругот и сите нејзини деца за време на земјотресот.
She lost her husband and all of her kids during the earthquake in Morocco 🇲🇦 May Allah give her patience 💔😭#moroccoearthquake | #Morroco | #earthquake | #earthquakemorocco | #زلزال_المغرب | #المغرب | #زلزال_مراكش pic.twitter.com/YEvR4B6FHr
— Rah E Miracle (@RahEMiracle) September 10, 2023
9:25 часот Францускиот експерт за активна тектоника Филип Вернан наведува дека земјотресот што го погоди Мароко не ја погодил сеизмолошки најактивната област, но предупредува на последователни потреси кои сепак можат да бидат проблем. „Дури и ако се помалку силни, може да доведат до уривање на згради кои веќе се ослабени од земјотресот“, изјави тој за АФП.
9:06 часот Соседите сè уште трагаат по преживеани закопани на ридовите, каде што беа уништени куќи направени од кал, камен и грубо дрво, а минарињата на џамиите беа срушени во земјотресот што се случи доцна во петокот. Во селото Амизмиз во близина на епицентарот, спасувачите со голи раце отстрануваа урнатини. Срушените ѕидови ги блокираа тесните улички. Пред болницата лежеа десетина тела покриени со ќебиња додека ожалостените роднини стоеја во близина. „Кога почувствував како земјата се тресе под моите нозе и кога куќата се навали, побрзав да ги извлечам моите деца. Но, моите соседи не можеа“, изјави Мохамед Азав.
За жал, во тоа семејство никој не беше пронајден жив. Таткото и синот се пронајдени мртви, а се уште се трага по мајката и ќерката.
9:05 часот По земјотресот во петокот, најлошиот во северноафриканската земја од 1960 година, Мухамад Ајат Елхаџ (51) спие на улица со своето семејство во близина на историскиот центар, откако откри знаци на оштетување на неговиот дом, вклучително и пукнатини на ѕидовите.
„Не можам да спијам таму. Ги молам властите да ми помогнат и да донесат експерт кој ќе процени дали можам да се вратам во куќата или не. Доколку постои ризик, нема да се вратам во куќата“, изјави тој за Ројтерс. .
Во многу делови на Мароко, луѓето беа на отворено во саботата вечерта по земјотресот што ја погоди земјата.
8:52 Синоќа илјадници луѓе спиеја на отворено во страв од нов земјотрес.
😢🌙 Last night's earthquake in Morocco has forced thousands to sleep outdoors for the second night. Let's extend our prayers and support to those affected during this challenging time. 🙏🇲🇦 #MoroccoEarthquake #SupportMorocco #Morocco pic.twitter.com/Viyg1aDXeD
— DailyDose (@DDose27191) September 10, 2023
08:46 Мароканската влада спроведува сопствен одговор на земјотресот, а ОН остануваат на подготвеност да помогнат, рече координаторот на ОН во Мароко во интервју објавено во петокот.
8:37 Има ограничено време за спасување на луѓето заробени по земјотресот во петокот вечерта, предупреди хуманитарната работничка Керолин Холт, истакнувајќи дека следните 24 до 48 часа ќе бидат критични во смисла на спасување животи.
„Напорите за пребарување и спасување ќе бидат приоритет, се разбира, заедно со осигурувањето дека се згрижени оние за кои знаеме дека преживеале“, рече таа за Би-Би-Си.
Портпаролот на Детскиот фонд на ОН УНИЦЕФ Џо Инглиш изјави за Си-Ен-Ен дека сè уште постои надеж дека ќе се најдат преживеани. „Првите 72 часа во однос на потрагата и спасувањето се апсолутно критични… Тие го нарекуваат „златен период“ затоа што ако сакате да одите под урнатините, тоа е време да го направите тоа и понекогаш гледаме чуда. тој рече.
7:00 Бројот на повредени се искачи на 2.059, од кои 1.404 лица кои се во критична состојба. Разорниот земјотрес со јачина од 6,8, најсмртоносниот во последните шест децении во Мароко, го погоди во петокот нешто по 23 часот (22:00 GMT) во регионот Игил на Високиот атлас. Игил, планинска област со мали земјоделски села, се наоѓа на околу 70 километри југозападно од Маракеш.
Во селото Амизмиз во близина на епицентарот, спасувачките екипи со голи раце копаат низ урнатините. Паднатите делови од ѕидовите ги блокираа тесните улички. Пред болницата лежат десет тела покриени со чаршафи, до нив ожалостени роднини.
6:00 Речиси сите куќи во областа Асни, на околу 40 километри јужно од Маракеш, беа оштетени, селаните ја поминаа ноќта на отворено. Им недостига храна, вода, нема покрив, нема кујна, вели еден од нив, Мохамед Оухамо. Светската здравствена организација објави дека повеќе од 300.000 луѓе биле погодени од земјотресот во самиот град Маракеш и околните области.
Тоа е најсмртоносниот земјотрес што го погодил Мароко од 1960 година, кога се проценува дека загинале најмалку 12.000 луѓе, соопшти Американскиот геолошки институт.
Центарот на Маракеш е под заштита на УНЕСКО и е тешко оштетен, се урна минарето на џамијата на плоштадот Џемаа ал Фна. Државната телевизија прикажа снимка од областа Мулај Ибрахим, 40 километри јужно од Маракеш, каде што се урнаа десетици куќи на ридот.
5:45 Кралството Мароко прогласи тридневна национална жалост и знамињата ќе бидат на половина копје низ целата земја. Мароканските вооружени сили помагаат во расчистување на урнатините и испорака на вода, храна и други резерви.
Владите ширум светот изразија солидарност и понудија помош. Турција, каде во февруари во силните земјотреси загинаа повеќе од 50.000 луѓе, рече дека е подготвена да даде поддршка. Алжир, кој ги прекина врските со соседен Мароко во 2021 година кога ескалираа тензиите меѓу нив поради конфликтот во Западна Сахара, рече дека ќе го отвори својот воздушен простор за хуманитарни и медицински летови. Маракеш треба да биде домаќин на годишните состаноци на Меѓународниот монетарен фонд и Светската банка на почетокот на октомври.
Портпаролот на ММФ го коментираше закажаниот настан со зборовите „Сега нашиот единствен фокус е на народот на Мароко и властите кои се справуваат со оваа трагедија“, пренесе Ројтерс.
Во Маракеш, каде уличките се тесни и преполни со скршен материјал, луѓето со голи раце се обидуваат да ги отстранат блоковите за да ги ископаат мртвите и да ги најдат живите. Освен во Маракеш, земјотресот се почувствувал и во главниот град Рабат, Казабланка, Агаир и Есауира, предизвикувајќи паника кај населението.
