Американската војска соопшти синоќа дека запленила уште еден танкер поврзан со Венецуела во Карипското море, а сега е објавено и видео од акцијата.
Through #OpSouthernSpear, the @DeptofWar is unwavering in its mission to crush illicit activity in the Western Hemisphere in partnership with @USCG, @DHSgov and @TheJusticeDept.
This morning, U.S. military forces, in support of the Department of Homeland Security, apprehended… pic.twitter.com/UPADtiw681
— U.S. Southern Command (@Southcom) January 20, 2026
Ова е седма таква заплена од почетокот на кампањата на американскиот претседател Доналд Трамп за контрола на венецуелската нафта.
Командата на јужните сили на американската војска (U.S. Southern Command), која надгледува повеќе воени бродови и илјадници војници во регионот, соопшти дека бродот „Motor Vessel Sagitta“ бил запленет „без инциденти“, пренесува Ројтерс.
Американските сили значително го зголемија своето присуство во Карипското море. Во последните месеци, дополнителни борбени авиони и најголемиот носач на авиони во светот, USS Gerald R. Ford, беа распоредени во регионот.
Американските сили, за време на воена операција во Каракас на 3 јануари, го соборија и приведоа авторитарниот лидер на Венецуела, Николас Мадуро, и го префрлија во САД. Во Њујорк, тој е обвинет за злосторства поврзани со дрога.
Трамп јасно стави до знаење дека САД имаат намера да ја преземат контролата над трговијата со венецуелската нафта како средство за притисок врз владата во Каракас.
