Министерот за здравство Венко Филипче соопшти дека од утрово започна процесот за третата трансплантација на срце во историјата на нашата земја.
„Во тек е експлантација на срце која ја прават колегите кардиохирурзид-р Марјан Шокаровски, д-р Васил Папестиев и д-р Никола Христов, откако претходно колегите од Клиниката за урологија д-р Сотир Ставридис, д-р Александар Трифуновски и д-р Виктор Станков ја завршија експлантацијата на бубрези, по што ќе следи трансплантација на органите кај пациенти. Да се надеваме на успех и да им држиме среќа“, напиша Филипче на Фејсбук.