Ладното време ќе продолжи и во текот на наредната седмица, а од вторник попладне се очекуваат локални врнежи, кои ќе бидат претежно од снег. Овие врнежи ќе бидат поизразени во западните и југозападните делови на Македонија, каде што во дел од градовите ќе се формира помала снежна покривка, додека на планините и скијачките центри снежната покривка дополнително ќе се зголеми.
Ветер и температури
✅ Слаб до умерен ветер од источен и југоисточен правец
✅ Минимални температури – остануваат под нулата во утринските часови
✅ Максимални температури – ќе бидат уште пониски од сегашните и ќе се движат само неколку степени над нулата, додека на повисоките места и планините ќе бидат околу или под нулата
Времето во Скопје
Во Скопје и околината, од вторник па во деновите потоа, ќе има услови за повремени слаби врнежи од дожд и снег, како и влажен снег. Повремено ќе засилува југоисточен ветер.
Со оглед на ниските температури, се препорачува внимателност при движење, особено на планинските патишта и во утринските часови поради можност за појава на мраз.
