На секој кој објективно гледа на севкупниот настап на „големата тројка“ во тенисот му е јасно дека Новак Ѓоковиќ е најдобриот тенисер на сите времиња.
Но, сепак има и такви кои се обидуваат да го предизвикаат српскиот тенисер за таа титула. Се чини дека еден од нив е поранешниот марокански тенисер Јунес Ел Ајануи, кој сега е тренер на Иго Гастон.
Тој смета дека е потребно да се погледне пошироко што правела секоја од првите тројца во текот на кариерата и како се однесувала.
„За мене не е само прашање на тенис и бројки, туку треба да се погледне каков човек е некој и како се справува со поразот. Во тој аспект Рафаел Надал е број еден.
Никогаш не сме го виделе да прави нешто чудно на теренот и не го велам тоа затоа што е Шпанец. Никогаш не скрши рекет, ниту пак го видовме како се жали. Секогаш покажуваше добар став и беше пример за сите што играа тенис.
Среќни сме што можевме да уживаме во ерата на тие тројца тенисери. Ѓоковиќ се уште игра и го гради своето наследство, ќе видиме до каде ќе оди новата генерација следната година“, изјави Ел Ајануи за „Пунто де Брејк“, а пренесува Б92.нет.
