Невообичаена ситуација денеска на платото на УКИМ, каде требаше да се одржи студентски пленум најавен од „Независниот студентски сојуз“. Иако собирот првично беше најавен за 13 часот, а потоа откажан преку допис испратен до медиумите од истата електронска адреса, на крајот сепак се случи собир – но без присуство на медиуми.
Неколку минути пред најавениот почеток, еден од студентите-организатори преку мегафон ги информираше присутните дека собирот ќе се одржи внатре и побара новинарите да не снимаат, со јасна порака: „Новинарите не смее да не снимаат“.
Новинарските екипи кои дојдоа да го проследат настанот беа вербално нападнати и избркани од неколку млади лица кои извикуваа дека не сакаат присуство на медиуми, нарекувајќи ги „платеници“ и обвинувајќи ги за пристрасност.
Дополнителна конфузија создаде и нов допис испратен до медиумите, повторно од истата е-адреса и со истото лого на Независен студентски сојуз, во кој се наведува дека.
Во него, НСС УКИМ обвинува дека партијата Левица се обидела да го киднапира студентското движење и најавува поднесување кривична пријава за лажно претставување во нивно име.
Во меѓувреме, за вечерва во 18:59 часот е најавен протестен марш во Скопје, организиран од иницијативата „Кој е следен?“, како реакција на трагедијата во Кочани. Од СВР Скопје информираат дека во центарот на градот ќе биде воведен посебен сообраќаен режим.
Состојбата со студентското организирање останува нејасна, со поделени пораки и недоверба, а денешните настани само ја засилија сликата за зголемени тензии и обиди за политичко влијание во време на чувствителна општествена атмосфера.
