Сеизмички потрес со јачина од 4,1 степени според Рихтеровата скала, класифициран како „слаб“ е регистриран во 5:47 часот. утрово во морето кај островот Аморгос во јужниот дел на Егејското Море, јави АНА-МПА.
Според грчкиот институт за геодинамика, епицентарот на земјотресот бил на 14 километри југо-југозападно од селото Аркесини на островот.
Земјотрес со слична магнитуда е регистриран во неделата во областа, јави БТА.
И покрај денешниот земјотрес, сеизмичката активност во областа слабее по илјадниците потреси што ги потресоа островите Санторини и Аморгос во февруари, што доведе до прогласување на вонредна состојба и евакуација на голем дел од населението и предизвикувајќи сериозна загриженост за силен земјотрес, вулканска ерупција или цунами.
