Лудоста за големи, долги, предимензионирани марами не стивнува ниту оваа сезона. Овој аксесоар ќе биде во фокусот и оваа зима, а освен што ќе не загрее во постудените денови, ќе го заокружи секој стајлинг и ќе внесе ведрина во тмурните денови.
Овој додаток лесно се вклопува во секој стил. Одлично ќе оди со патики и спортски стил, но и со елегантни комбинации.
Тренд се еднобојните светли бои, како и оние со впечатлив принт. Ваше е да го изберете моделот кој најмногу ви се допаѓа.
Марамите се омилен моден детаљ на речиси сите трендсетерки, а ни дадоа одлични идеи како да ги стилизираме оваа зима и есен. Погледнете ги фотографиите и пронајдете инспирација за вашиот следен стајлинг.
Сè попопуларниот начин на носење на овие марами ќе го нагласи струкот и целосно ќе го трансформира стајлингот. Ставете го преку рамо, а потоа прицврстете го на половината со ремен и ќе го добиете овој интересен изглед.
