При контролите извршени на три популарни плажи на грчкиот остров Тинос биле откриено дека пет бич барови незаконско зазеле простор од 3.000 метри квадратни со поставени чадори, лежалки како и специјални дрвени конструкции, соопштија од Министерството за национална економија и финансии на Грција.
Контролите што ги вршат надлежните служби во присуство на обвинител се во тек од вчера, се спроведуваат на плажите и туристичките бизниси, а веќе е уапсено и едно лице поради неусогласување по претходно направен прекршок .
Од Министерството за национална економија и финансии на Грција објавија фотографии од една од плажите на која нелегално биле поставени лежалки и дрвени конструкции, а веќе е завршен процесот на отстранување на дивоградбите и предметите од плажата, а паралелно се изрекуваат и пропишаните административни казни и во некои случаи веќе се издадени соодветните протоколи за уривање.
