Соединетите Американски Држави се соочуваат со третата зимска бура за само една недела, а метеоролозите предупредуваат на таканаречен „бомбен циклон“ кој се формира над источниот дел од земјата.
Ова значи нагло и брзо засилување на бурата, која веќе предизвикува сериозни тешкотии и на север и на југ, објавува CNN.
Метеорологот Крис Ворен предвидува дека североистокот денес ќе биде погоден од обилни снежни врнежи, во комбинација со силни ветрови и нагло опаѓање на температурите. Во јужните региони се очекуваат обилни дождови, а на брегот на Мексиканскиот Залив – услови за формирање на торнада.
„Ќе биде ладно и калливо, со обилни врнежи од дожд на места на југоисток “, додаде Ворен.
На Запад, луѓето продолжуваат да го чистат снегот и мразот од претходните бури, а Федералната администрација за воздухопловство предупредува дека се можни повеќе прекини во летовите откако Меѓународниот аеродром во Чикаго спроведе слична мерка доцна синоќа.
„ Ако сте во Чикаго, мора да бидете подготвени за секаква бура “, вели Луис Ривера од компанија за чистење снег.
Во северен Илиноис, едно дете беше однесено во болница со полесни повреди по несреќа со училишен автобус. Во Канзас, возачите на училишни автобуси беа принудени да застанат на заледен автопат поради опасни услови. Во меѓувреме, Канзас Сити забележа нов дневен рекорд на снежни врнежи.
И покрај суровите услови, некои места ја користат зимата на креативен начин. Во Минеаполис, група локални жители градат леден замок кој се претвора во атракција. „ Замокот има светла, многу пештери, лизгалишта, дури ќе има и мал бар “, рече Тим Бауман.
Освен снежни врнежи и дожд, синоптичарите предупредуваат на нови рекордно ниски температури, кои се очекува да погодат делови од земјата денес.
