Поранешниот пратеник на Беса во Собранието пристигна на прес конференција со обезбедување кое најверојатно е од Министерството за внатрешни работи.
Кастриот Реџепи на прес конференцијата рече дека не се чувствува безбедно во Собранието.
„Сакав да дојдам на седницата во четвртокот, да земам збор и да гласам против рушење на владата. Но со оглед на тоа што пратениците од мнозинството од СДСМ и од ДУИ кажаа дека нема да присуствуваат, ќе бев сам на таа страна на собраниската сала. Ќе бев сам во таа еуфорија. Проценив дека ќе бидам мета на вербални, па и на физички напад во такви моменти, кои според искуството, секогаш знаеле да бидат тензични. Што се однесува на конкретните закани, јас се извинувам што така се оддалечив и што ми беа исклучени телефоните. Имав добиено пораки, проценка беше дека треба да добијам и физичко обезбедување“, одговара на бројни прашања Кастриот Реџепи.
На медиумите во Собранието беше срепречено движењето и снимањето по завршувањето на прес конференцијата.
