Секогаш е добро кондомот да ни биде при рака, па вообичаено го чуваме во паричникот. Но, стручните лица предупредуваат дека така се губи квалитетот и сигурноста.
– Топлината, влагата, триењето и светлината може многу да влијаат на квалитетот на кондомот и така да им ја намалат ефикасноста, изјави докторката за сексуално здравје Карин О’Саливан за британски „Метро“.
Се чини, решението не е ниту џебот, каде што, исто така, топлината на телото и триењето, влагата, но и клучевите и острите предмети го оштетуваат латексот, па многу е веројатно да дојде до пукање. Тоа треба да се чува на суви места.
– Идеално место за чување кондоми би била метална кутија или платнена вреќичка која ќе ги штити од светлина, топлина и остри предмети, советува Карин.
9 најчести грешки кои ги прават мажите при користење на кондомите
1. Предоцна го користат кондомот
Околу 50% од сексуалните односи се започнати без кондом и истиот се става откако мажите започнале со пенетрација. Ваквиот начин на употреба веројатно ќе ве заштити од несакана бременост, но во ниту еден случај нема да помогне при заразувањето од полови болести.
2. Прерано се вади
Меѓу 13,6% и 44,7% од мажите кондомот го вадат и пред целосното завршување на сексуалниот однос. Во овој случај дефинитивно не сте заштитени ниту од полови болести, ниту од од несакана бременост.
3. Не го навлекуваат кондомот до крај
Оваа навика ја имаат меѓу 25% од мажите, а истата е одличен начин за пукање на кондомот или целосно вадење на истиот.
4. Забораваат да остават празен простор на врвот
Меѓу 24% и 45% мажите признаваат дека понекогаш целосно го навлекуваат кондомот и не оставаат празен простор на врвот. Повторно постои ризик од пукање на кондомот и секако од непожелните последици на бременост или некаква полова болест.
5. Забораваат да го истиснат воздухот
Околу 48% од мажите признаваат дека заборавиле барем еднаш да го истиснат воздухот од врвот на кондомот пред да го навлечат. Ова е уште еден многу ризичен начин на кој кондомот може да пукне.
6. Го отвараат кондомот со остри предмети
Дури 11% од мажите кога го отвараат кондомот се одлучуваат тоа да го сторат со помош на некаков остар предмет. На овој начин се ризикува кинење и на кондомот, а не само на пакувањето.
7. Не користат лубриканти
Веројатно не ви е јасно зошто постои неопходност од употреба на лубриканти. Станува збор за подолготрајниот сексуален однос. Тука поголема е веројатноста за пукање на кондомот, а оваа навика ја немаат околу 16% и 25% од мажите.
8. Повеќекратна употреба на кондомот
Прилично грда и нехигиенска навика но, неа ја поседуваат 3,3% од мажите. Истиот кондом не може да се користи повеќе од еднаш. Покрај тоа што секако не е хигиенски, туку и постои ризикот од оштетување на кондомот и негово пукање.
9. Кондомите ги чуваат на погрешни места
Помеѓу 3,3% и 19,1% од мажите признаваат дека кондомите ги чуваат кондомите во непогодни услови. Истите или директно се изложени на сонце или топлина. Вториот фактор подразбира чување во паричник. Во секој случај постои можност да се оштети латексот и кондомот многу брзо и лесно да пукне при сексуалниот однос. Најдобар начин на чување на кондомот е на темно, суво и ладно место.
