Се апсат огнените: Исмет Гури и неговиот син во полициска станица, уапсени и тројца вработени во УЈП
Голема полициска акција започна утрово и се уште е во тек. Според првичните неофицијални информации, се апсат високи функционери на ДУИ.
Според информации на порталот 24 инфо, уапсен е и Исмет Гури кој неодамна беше осуден а казна затвор од три и пол години за изборни нерегуларности во предмет на Специјалното јавно обвинителство.
Гури заедно со уште неколку лица утрово е уапсен поради сомневање за сторено кривично дело перење пари.
Со оглед на професиите на лицата кои се апсат, очигледно станува збор за криминални дејствија поврзани со даночни проневери и перење пари.
Од МВР потврдуваат дека во тек се претреси во координација со ОЈО ГОКК, а за детали околу кривичните дела на оваа организирана криминална група и приведените лица ќе информираат во текот на денот.
Утринава полицијата врши претреси на повеќе локации во Скопје, при што веќе има приведени повеќе лица – бизнисмени, инспектори, меѓу кои и функционери на ДУИ.
