Може да ги препознаете плодните денови следејќи го вашиот циклус и симптомите што се појавуваат. Плодниот период обично трае 6 дена и обично се јавува помеѓу 10-тиот и 14-тиот ден од циклусот.
Овие 6 симптоми покажуваат дека сте во плодни денови:
- Безбоен секрет
Безбојниот секрет, кој потсетува на белки од јајце, обично е првиот знак дека се наближуваат плодните денови. Во овој период се ослободува хормонот естрадиол кој поттикнува лачење на повеќе течност од вообичаено.
- Мрсна кожа, митесери
За време на плодните денови, кожата станува помрсна од вообичаено, па може да се појават митесери или акни.
- Треска
Температурата се зголемува додека телото се подготвува за оплодување. Јајце клетката се ослободува, количината на прогестерон почнува да се зголемува и ја зголемува температурата за 0,3 до 0,8 Целзиусови степени.
- Зголемено либидо и апетит
Ова се должи на зголеменото лачење на хормони. Жената се чувствува многу попривлечно и има посилна сексуална желба.
- Болка во долниот дел на стомакот
Блага болка во пределот на матката и јајниците е нормална во овој период од циклусот. Некои жени може да доживеат и грчеви. Ова е знак дека се случува овулација.
- Емоционална чувствителност и нервоза
Многу жени може да имаат промени во расположението за време на овулацијата.
Што ако не забележам никакви симптоми на плодни денови?
Доколку се обидувате да забремените, а имате потешкотии да ги одредите плодните денови, постојат тестови кои се користат за оваа намена.
