Украинскиот претседател Володимир Зеленски изјави дека обидите за атентат против него не го загрижуваат толку колку тортурата и воените злосторства што се случуваат во окупираната земја.
„Па, тоа се 10 обиди за атентат, тоа значи дека има само 10 луѓе кои се подготвени да ме убијат“, рече Зеленски, а пренесува Канал 9, додавајќи:
„Не е лошо, бидејќи кога луѓето страдаат, кога телата на луѓето се наоѓаат во бунари… Мислам, со оглед на сето тоа, мојата ситуација не е толку страшна, но се плашам за тие луѓе.
Украинскиот претседател зборуваше и за масакрот во Буча, каде што десетици Украинци беа пронајдени врзани и мртви на улиците на регионот Киев, а Зеленски рече дека чувствува лутина и болка.
„Почувствував гнев. Почувствував желба за одмазда. А потоа дојде до недоразбирање, како можеше да им направиш нешто такво на луѓето, на човештвото? Како можеше да измачуваш толку многу луѓе? – рече Зеленски.
Беше откриено и дека Украина има „план“ во случај нешто да му се случи на украинскиот претседател.
Имено, американскиот државен секретар Антони Блинкен минатата година за Си-Би-Ес изјави дека „Украинците имаат планови за кои нема да зборува или да навлегува во детали, за на еден или на друг начин да го обезбедат она што би се нарекло „континуитет на владата“.
Формално, според украинскиот устав, линијата на наследување е јасна.
„Кога претседателот не е во состојба да ги извршува своите должности, неговите одговорности ги презема претседателот на Врховната Рада“, рече Никола Књажицки, опозициски пратеник од Лавов и додаде:
„Затоа, (во случај на исчезнување на претседателот) нема да има вакуум“.
