Американскиот претседател Доналд Трамп ја заслужува Нобеловата награда за мир, изјави белорускиот претседател Александар Лукашенко пред новинарите на рускиот Канал 1 на маргините на самитот на Заедницата на независни држави (ЗНД) во Таџикистан.
Новинарите го прашаа Лукашенко дали се согласува со одлуката на Нобеловиот комитет да ја додели Нобеловата награда за мир на венецуелската опозициска политичарка Марија Корина Мачадо. „Чиста глупост. Трамп ја заслужуваше оваа Нобелова награда, требаше да му биде доделена“, одговори Лукашенко.
Тој тврдеше дека Нобеловата награда за мир неодамна му е доделена на „апсолутно на секого“. „Особено, дозволете ми да ве потсетам на американскиот претседател, кој не направи апсолутно ништо. Тој стана претседател и ја доби оваа награда“, рече тој, осврнувајќи се на Барак Обама, кој ја доби наградата во октомври 2009 година.
Во исто време, Лукашенко верува дека Трамп направил многу за мирот и дека Нобеловиот комитет му направил лоша услуга на мировниот процес во различни делови од светот. „Трамп би можел да биде навреден“, додаде белорускиот лидер.
Според Лукашенко, Нобеловиот комитет требало да му ја додели наградата за мир на шефот на Белата куќа како признание за идните достигнувања. „Тоа би го обврзало Доналд Трамп кон мировниот процес. Сепак, Комитетот донесе кратковида одлука“, заклучи тој.
Читај и ова:
- 1.Графитите во катедралата во Кентербери предизвикаа бес – Маск: Ова е срамно
- 2.ADAC открива 11 модели на зимски гуми што возачите треба да ги избегнуваат
- 3.Јошевска-Анастасовска: Обвинителството врши притисок и напад врз мојата слобода на говор
- 4.Малолетничка истепана од соученички, настанот снимен за на социјални мрежи
- 5.Експлозии во Кабул и источен Авганистан – Талибанците: Пакистан нè нападна
