Од СДСМ денеска повторно со реакција на најавата за детали од „Тајни имоти“.
Тие велат дека Белиот дворец е синоним за криминал и нелегален имот.
Порачуваат партијата ВМРО-ДПМНЕ се што има докази да ги достави до Антикорупциска.
„Синоним за криминал, корупција и незаконски имот стекнат со пари украдени од граѓаните е Белиот дворец на ВМРО-ДПМНЕ. Судската пресуда Талир 2 докажа дека Белиот дворец е стекнат со злоупотреба на милионски суми, врз грбот на граѓаните. Деталниот урбанистички план три пати е менуван за ВМРО-ДПМНЕ да добие 12.000 квадратни метри за седиштето, а на местото на станбена зграда, да никне хотел.
Се докажа дека ВМРО-ДППМНЕ ги крадела граѓаните, трупала имот, луксуз и пари на незаконски, криминален начин, додека граѓаните тонеа во сиромаштија и долгови. Кога зборува за имоти, ВМРО-ДПМНЕ прво нека погледне во своите редови и својот дворец. Ако ВМРО-ДПМНЕ навистина поседува некакви информации за функционери кои не пријавиле имот треба да ги достават до надлежната институција – ДКСК, за понатамошно постапување“, велат од СДСМ.
