Украинскиот претседател Володимир Зеленски утре во Ријад ќе разговара со саудискиот престолонаследник Мохамед бин Салман, додека украинската делегација предводена од Андриј Јермак, шеф на кабинетот на претседателот, ќе се сретне со американскиот државен секретар Марко Рубио и други високи претставници на Белата куќа.
Украинската страна се очекува да предложи мировен план што Зеленски го претстави минатата недела, вклучително и запирање на нападите со беспилотни летала и ракети, како и суспензија на воените активности во Црното Море. Сепак, Владимир Путин досега не покажа интерес за прекин на огнот.
Американскиот државен секретар Марко Рубио ќе престојува во Саудиска Арабија од 10 до 12 март за да разговара со украинските претставници, соопшти Стејт департментот.
Според изјавата на портпаролката Тами Брус, Рубио ќе се сретне и со саудискиот престолонаследник Мохамед бин Салман Ал Сауд.
