Ако побарате мало дете да нацрта авион, најверојатно ќе ги нацрта прозорците на патниците како мали и овални, но авионите не биле секогаш такви. Де Хавиланд комета, првиот патнички авион, имаше квадратни прозорци. Но, за само пет години од нивното претставување, трите авиони доживеаја серија трагични несреќи.
По третата несреќа во 1954 година, истрагата утврди дека сите три несреќи биле предизвикани од пукнатини на прозорските рамки – резултат на нивниот квадрат дизајн.
Утврдено е дека квадратните прозорци што ги имале овие авиони не се справуваат добро со стресот предизвикан од зголемениот притисок во кабината што доаѓа при летање на големи височини.
Сепак, големата височина е неопходен елемент на комерцијалниот лет – високо на небото, има помалку отпор, што пак значи помалку потрошено гориво.
Ова е идеално за авиокомпаниите бидејќи им заштедува пари и го намалува влијанието на летањето врз животната средина. Има и помали турбуленции на поголема височина, што го прави летот поудобен, пишува IFLScience, пренесува N1 BiH.
Кое беше решението? Одговорот е да се заменат квадратните прозорци со заоблени. Ова помага рамномерно да се распредели притисокот врз прозорецот, со што се намалува веројатноста за пукање.
Освен елементот на зголемена безбедност, има уште некои површни придобивки. „Дизајнерите претпочитаат овални прозорци затоа што можат да добијат поголема површина за гледање, што им одговара на патниците, но сепак го приспособиле наслонот на седиштето“, објасни Даи Витингем, извршен директор на Одборот за воздухопловна безбедност на Обединетото Кралство.
