Претседателите на девет земји од НАТО од Централна и Источна Европа во неделата дадоа заедничка изјава во поддршка на кандидатурата на Украина за членство во одбранбената алијанса и повикаа на зголемена воена помош за Киев , објави Си-Ен-Ен. Претседателите на Чешката Република, Естонија, Латвија, Литванија, Северна Македонија, Црна Гора, Полска, Словачка и Романија ја изразија својата силна поддршка за „ одлуката на самитот на НАТО во Букурешт во 2008 година за идното членство на Украина во Алијансата“.
„Ја поддржуваме Украина во нејзината одбрана од руската инвазија, бараме Русија веднаш да се повлече од сите окупирани територии и ги охрабруваме сите сојузници значително да ја зголемат својата воена помош за Украина“ , се додава во соопштението. Во соопштението се истакнува дека лидерите од овие земји – кои претставуваат речиси една третина од членките на НАТО – „ го посетија Киев за време на војната и беа сведоци на последиците од руската агресија“.
„Ја повторуваме нашата поддршка за суверенитетот и територијалниот интегритет на Украина. Не ги признаваме и никогаш нема да ги признаеме обидите на Русија за анексија на украинска територија“ , се вели во соопштението. Во соопштението , исто така, се повикани „сите што вршат криминал за агресија“ , да биде изведена пред лицето на правдата.
Одлуката за барањето на Украина за забрзано членство во НАТО мора да биде договорена со сите 30 членки на алијансата, изјави во неделата генералниот секретар на НАТО Јенс Столтенберг ѝ соопштил украинскиот претседател Володимир Зеленски во петокот дека Украина аплицира „по забрзана процедура“ за членство во НАТО.
