Спасувачките тимови продолжуваат со потрагата по преживеани, а бројот на загинати по разорните земјотреси долж турско-сириската граница надмина 11.000. Тој број се очекува да се зголеми бидејќи спасувачките напори на мултинационалните спасувачки тимови се забрзуваат во услови на ледени и бурни временски услови. Десетици илјади луѓе беа повредени.
Во Сирија, каде здравствениот систем и инфраструктурата се уништени од 12-годишна војна, вестите за бројот на жртвите доаѓаат побавно.
Сириските државни медиуми и спасувачката група соопштија дека загинале околу 2.500 луѓе.
Во градот Џиндирес, северно од Алепо, спасувачите го извлекле малото девојче Нур од урната зграда. Нејзиниот татко бил цело време со нив, а спасувачите се обиделе да ја охрабрат.
„Нур, не плаши се, тато е тука. Погледни го, разговарај со тато“, му рекле на малото девојче додека го извлекувале.
⚠️Distressing scenes: Rescuers in Syria's Jindires town of Afrin are pulling out a child under the rubble brought down by Monday's powerful 7.8 magnitude earthquake. pic.twitter.com/FQyeX3dau8
— Kurdistan 24 English (@K24English) February 7, 2023
