Бурани Сандор, пратеник на партијата „Дијалог за Унгарија“ денеска во унгарскиот Парламент искажа дека Владата крие како Никола Груевски влегол во Унгарија, и покрај тоа што не поседува пасош.
„Која невладина организација му помогна да стигне до Унгарија? Или дојде во нашата земја со шверцери? Зборуваме за криминалец, а не прогонуван политичар. Односот на унгарската влада е срамен да му додели посебен третман“, истакнал Сандор.
И од другите опозициски партии вршат притисок да се испита влезот и престојот на Груевски на унгарско тло, и зошто не е во транзитна зона, односно се против посебниот третман кој го има Груевски, бидејќи според законот, тој е наменет само за ранливо лице или лице со посебни потреби.
