Принцот и принцезата од Велс споделија фотографија на која се прегрнати во Тобермори, главниот град на островот Мал, покрај западниот брег на Шкотска, по повод нивната 14-годишнина од бракот.
Принцот Вилијам и Кејт Мидлтон на тој начин му покажаа на светот колку е силна нивната љубов, објавува „Метро“.
„Прекрасно е што сум повторно на островот Мал. Ви благодарам на сите за топлото добредојде. В и К“, напишаа тие на нивниот официјален профил на Кенсингтон Ројал.
Двојката се венчаше на 29 април 2011 година, во Вестминстерската опатија, на ден полн со помпезност и емоции – додека околу три милијарди луѓе го гледаа настанот на телевизија и мобилни телефони.
Мал, кој има население од помалку од 3.000, се наоѓа по должината на западниот брег на Шкотска, објави „Метро“.
Кралскиот пар добро го познава ова место. Тие го посетија Тобермори, каде што беше снимена детската серија на Би-Би-Си „Баламори“, пред една деценија, кога беа студенти.
Вилијам, тогаш 22-годишен, и Кејт, тогаш 23-годишна, изнајмиле куќа по завршните испити на Универзитетот Сент Ендрус, каде што се запознале.
„Беше 2003 година кога бевме тука“, рече Вилијам, шегувајќи се дека испил „едно или две јаболкови пива“ за време на тој долг викенд.
„Прекрасно си поминавме тука – прекрасно е“, додаде тој.
Wonderful to be back on the Isle of Mull. Thank you to everyone for such a warm welcome ❤️ W & C pic.twitter.com/pBmx9qCLri
— The Prince and Princess of Wales (@KensingtonRoyal) April 29, 2025
