Дваесет и пет лица загинаа, а шест други се повредени во пожар во ноќниот клуб „Бирч“ во Арпора, во индиската држава Гоа, соопштија локалните власти.
Полицијата верува дека експлодирала плинска боца во кујната на клубот, предизвикувајќи пожар што се проширил низ целиот објект. Повредените се однесени во болница со разни повреди и се во стабилна состојба.
Во меѓувреме, се појавија првите снимки од пожарот. Една од нив ги прикажува последните моменти пред пожарот, настап во клубот додека покривот почнува да гори:
Watch the roof as the fire erupts.
— Shivan Chanana (@ShivanChanana) December 7, 2025
Final Moments before the deadly Arpora goa fire.
At least 25 ppl dead. Bodies charred in the deadly fire which erupted from a suspected cylinder blast pic.twitter.com/OnCrR5eTyH
Индиските власти наредија истрага за причината за пожарот, кој избувна доцна синоќа и понудија отштета на жртвите, објави Ројтерс.
„Наредив истрага за целиот инцидент за да се утврди причината и одговорноста“, изјави главниот министер на Гоа, Прамод Савант, на X.
Се верува дека повеќето од жртвите се вработени во ноќен клуб во Арпора, додека меѓу загинатите има и туристи, јавува Би-Би-Си.
